Автомобилот е создаден за прославата на 40 години постоење на Hot Wheels, но исто така е претходница на дизајнерските смерници за иднината и секако забава за сите оние што работеле на проектот.

Дизајнерите сакале да направат нешто што е веднаш препознатливо како Lotus, па така концептот носи елементи што можат да се забележат на Elise и на Exige како што се предните светла и хаубата со препознатливиот беџ.

Отворите за одвод на воздух поставени во подножјето на предното стакло, дифузорот назад и големото задно крило обезбедуваат доволно потисок што го лепи автомобилот за подлогата. Големите странични отвори за воздух и отворениот заден дел му овозможуваат на моторот да дише полесно.

Во кабината испакнатиот централен гребен кој всушност е дел од структурата на шасијата и има улога на `рбет ги инкорпорира сите копчиња како и рачката од менувачот.

Концетот е развиен од истиот дизајнерски кој напорно работи на новата генерација модели на Lotus кои би требало да почнат да се појавуваат од следната година.