Сега веќе е јасно Spirra S пристигнува и на Стариот континент. Под хаубата работи V6 турбо бензинец со зафатнина од 2.7 литри и моќност од 400 коњски сили.

Spirra S максимално ги користи расположивите коњски сили и успева да спринтува до темпо 100 за 4,8 секунди и да достигне максимална брзина од 305 km/h.

Инженерите за годинава подготвуваат уште една верзија на Spirra S која од истиот турбо бензинец ќе извлекува 500 коњски сили. На купувачите во Европа ќе им бидат понудени и двете верзии.

Планот е Spirra S да се појави на пазарите низ Европа веќе следниот месец, а ценовната рамка изнесува меѓу 125.000 и 150.000 евра. Секако корејците се амбициозни и сакаат Spirra S да им конкурира на Porsche 911 и Audi R8.