Студија за задржување на клиентите. Во оваа студија направена во САД се бележи процентот на купувачите кои при набавка на нов автомобил се враќаат на марката која ја поседувале и претходно.

Години наназад прва на списокот беше Toyota. Сега работите се сменија и епитетот најдобра, годинава, отиде во рацете на друга јапонска марка - Honda.

Во текот на 2008, 64,7% од купувачите кои набавиле нов автомобил со беџот на Honda и претходно имале Honda. Процентот кај Toyota изнесува 63,2%, а на трето место е луксузната марка на Toyota, Lexus.

Зад Lexus се купувачите на Mercedes и на BMW.

„Honda има репутација на производител на сигурни автомобили, кои долго време ја задржуваат својата вредност. Ова е одлучувачки фактор за сопствениците на Honda при следното купување на нов автомобил повторно да се одлучат за истата марка,” изјави раководителот на истражувањето Деби Ортуно.

Honda исто така ќе понуди и неколку економични модели како CR-Z, FCX Clarity и Insight кои дополнително ќе ја засилта вербата на купувачите во марката и ќе создадат нови поклоници.

Со истражувањето се дошло до заклучок дека само 11 автомобилски марки имаат резултат за задржување на клиентите што е над просекот за индустријата кој изнесува 48%.

Од нив четири марки се јапонски Honda, Toyota, Lexus и Subaru. Три се американски Ford, Chevrolet и Cadillac. Три се европски Mercedes, BMW и VW и една е корејска Hyundai.

Интересно е што во текот на 2008 намален е и просекот на индустријата за 1% во однос на 2007 кога истиот изнесувал 49%.