И редизајнираниот Gallardo и високопреформансниот LP550 ќе бидат претставени на претстојниот салон во Женева. А заедно со LP550, Lamborghini ќе го претстави и новиот 5.2 литарски V10.

Зголемената зафатнина во однос на сегашниот 5.0 литарски V10 ќе му донесе 30 КС и 20 Nm повеќе. Па така новиот 5.2 литарски V10 FSI со директно вбризгување ќе остварува моќни 550 коњски сили и максимален вртежен момент од 530 Nm.

Воедно обновениот Gallardo ќе користи дел од новите технологии што инженерите на Audi ги развиваа за R8 и новиот RS4. Станува збор за значајни измени кај менувачот и постојаниот погон на четири тркала.

Имено со подобрената конструкција и понапредните материјали се намалуваат внатрешните отпори во менувачот и се зголемува неговата ефикасност. Менувачот сега е во можност да испорача повеќе моќност и повеќе вртежен момент до олеснетиот погон на четири тркала. LР550 ќе се нуди со мануелен или како опција со е-gear секвенцијален менувач.

Исто така подобрувањата ја опфатиле и шасијата која сега има поголема торзиска крутост и системот за сопирање. Од надвор обновениот Gallardo ќе се препознава само по новите браници напред и одзади, остатокот од каросеријата останува релативно не сменет како и ентериерот.

Комерцијализацијата се очекува набрзо по затворањето на салонот во Женева.