Lancia Delta ќе дебитира на салонот во Женева, но кога ќе се појави во продажните салони сеуште не се знае. Најверојатно оваа важна информација ќе биде објавена по претставувањето.

Delta е поставена на плтаформата на Fiat Bravo, но носи сопствен препознатлив стил како и многу полуксузен интериер како што и доликува на една Lancia. Идејата е да се фати во костец со ривалите од Audi и од BMW поточно А3 и Серија 1.

Сопствениците на Delta ќе можат да уживаат во интериер преслечен со кожа или алкантара, детали од алуминиум, панорамски кров, аудио систем од Bose и новиот мултимедијален систем на групата Fiat, Blue&Me.

Моторната понуда ќе старува од турбо бензинците од 1.4 литри T-Jet со 120 и 150 КС, преку новиот турбодизел Multijet од 1.6 литри, до познатиот 1.9 литарски и Multijet. Знаменосецот се очекува да биде опремен со моќен турбо бензинец кој ќе остварува преку 200 коњски сили.

Сите мотори ќе ги задоволуваат нормите Euro 5, а моќноста на предните тркала ќе се пренесува преку познатиот шест степен мануелен менувач од Bravo или еден комплетно нов автоматик. Цената, перформансите потрошувачката и другите интересни детали за сега остануваат непознаница. Секако до откривањето во Женева.