Land Rоver одлучи да ги пушти информациите за својот нов теренец во јавноста пред неговото официјално преставување на салонот за автомобили во Детроит во јануари 2008.

Концептот LRX е долг 4,35 метри и висок е 1,55 метри што значи дека е малку помал од Freelander иако е изграден врз неговата платформа. Самиот концепт има стаклен кров, тркала од 20 инчи и многу мал клиренс за еден SUV, растојанието од најниската точка на возилото до подлогата изнесува едвај 13 сантиметри.

Внатре патниците можат да уживаат во двобојните кожени седишта и деталите од полиран алуминиум. Интересно, и покрај тоа што станува збор за SUV внатре има место само за четири патника семестени во одвоени седишта и напред и назад. Централната конзола која ги раздвојува и задните седишта во себе сокрива вистински фрижидер.

Верзијата спремна за сериско производство треба да се појави дури во 2009, а доколку се оди според плановите во Land Rover се надеваат дека LRX ќе биде понуден и како хибрид.