Место вистински ветробран има само малечко сполјерче, а од покрив ниту трага. Рачно произведениот родстер за само четири секунди постигнува темпо 100 и електрониката не му дозволува да оди над 250 километри на час.

Шестлитарскиот V8 ја дава силата, земен е од Corvette. Пумпа 542 њутнметри на коленастото вратило, а тие потоа преку шестстепен менувач одат до задните тркала. На цевната рамка е поставена рачно изработена каросерија од алуминум.

Конструкторите избрале добри имиња за деловите: од Brembo пристигнуваат четириклипните сопирачки, со дискови со пречник од 305 милиметри напред и 288 милиметри назад, управувачот е од Momo. Кожата за внатрешноста потекнува од полскиот специјалист Daw Mag.