Според извори од Јапонија, одговорните во Lexus планираат производството на LF-A да стартува кон крајот на годината, додека списокот за нарачки ќе биде отворен многу порано.

Сеуште не се знае каде LF-A ќе ја доживее светската премиера, но единствен голем салон кој го свртува вниманието на светската јавност пред крајот на годината е Франкфурт.

Голема е веројатноста дека сериската верзија на LF-A ќе се појави токму во Германија, поточно на домашниот терен на својот најголем конкурент во оваа класа Porsche.

Што се однесува до моторот кој ќе пумпа под хаубата на LF-A изворот ги потрврдува претходните тврдења дека се работи за агрегат со зафатнина од 5.0 литри и моќност од 550 КС.

Супер спортскиот автомобил на Lexus ќе пристигне на пазарот како ексклузива. Првичниот план е да бидат произведени само 500 примероци од кои 120 само за јапонскиот пазар.

Понатамошното производство зависи од успехот на LF-A, поточно од побарувањето. Доколку има интерес можно е понатаму серијата да се зголеми.

Првите примероци би требало да стигнат до купувачите кон средина на 2010.