Информацијата ја објави јапонскиот магазин за автомобили Mag-X кој воедно ја прикажа и првата фотографија на новиот хибриден модел. Секако, скенирана, фотографијата веднаш се најде на интернет.

Според магазинот новиот автомобил ќе го носи името HS250h, a ќе го задвижува хибридниот систем којшто веќе се вградува во Toyota Camri Hybrid. Автомобил што се нуди на пазарите во САД и во Јапонија.

Ова значи дека под хаубата ќе работи бензински мотор со зафатнина од 2.4 литри и електромотор кој енергијата ја добива од Ni-Mh акумулаторски батерии. Тие во брзо време ќе бидат заменети со литиум-јонски.

Комерцијализацијата на серискиот HS250h ќе биде кон средина на 2009, а ценовно хибридот ќе биде позициониран над IS250.