Exige Sprint го возобнoвува името на легендарниот Elan Sprint кој на пазарот се појави во 1971, и исто како и оригиналот носи двобоен финиш на жолта и бела боја. Боите ги раздвојува златна лента која се протега околу целиот автомобил.

И во кабината е запазен финишот на оригиналот надополнет со тркачки кади преслечени во кожа. Тука е и клима уредот дел од опремата и на обичниот Exige.

Заедно со автомобилот купувачот добива посебен комеморативен пакет кој содржи сертификат потпишан од извршниот директор на Lotus, Мајк Кимберли и книга во која е испишана комплетната историја на марката.

Exige Sprint се нуди со два различни пакети на опрема. Луксузен Touring пакет и Preformance пакет. Самите имиња говорат за содржината на пакетите. Интересно е што кај пакетот Рerformance се добиваат дополнителни 20 коњски сили извлечени од серискиот 1.8 литарец со механички компресор кој сега остварува максимални 238 КС.

Сета оваа снага во еден мал и лесен автомобил резултира со восхитувачки перформанси. Забрзување до 100 km/h за 4 секунди и максимални 235 km/h. На ова се надополнуваат и возните својства кои се граничат со тркачки автомобил.

Следново важи само за заинтересираните да седнат зад воланот џебнава ракета. Мора да бидете поденакво брзи како и Exige Sprint бидејќи се планира лимитирана серија од само 40 автомобили по цена од 42.500 британски фунти што е за 2.500 фунти поевтино од исто опремениот обичен Exige.

Чудно, но кога се во прашање британци ништо не треба да не изненади, дури и фактот дека Exige Sprint ќе се нуди само со волан на десна страна и само во Велика Британија и Ирска. Хм...