Новиот автомобил е базиран на основниот модел на Elise S и носи неколку уникатни детали кои го одвојуваат од сериските модели.

Ова вклучува специјална метална боја на прегорен портокал, купе изведба, обоен дифузор назад и обоени леснометални бандажи, кожен ентериер со шевови прошиени со портокалов конец и соодветно обоена централна конзола.

Останатите карактеристики вклучуваат обоени сопирачки клешти, посебна плочка со изгравиран број на примерокот и налепници кои укажуваат дека станува збор за славенички модел.

Со автомобилот се добива и комеморативно писмо потпишано од извршниот директор на Lotus, Мајк Кимберли.

Покрај ограничувањето на бројот на произведени примероци ограничен е и бројот на примероци што ќе го добијат државите во Европа.

По некоја аналогија на Германија и се доделени 15 примероци, следна е Швајцарија со 10, потоа Италија со 6 и Франција и Белгија со по 5 примероци.

Останатите 9 автомобили се наменети за останатите држави во Европа чиви претставништвата на Lotus ќе мораат да се изборат за својот дел од славеничкиот колач.