Иако станува збор за нова верзија, автомобилот го користи истиот мотор со иста моќност, односно атмосферскиот мотор земен на заем од Elise R кој кај 2-Eleven остварува 189 коњски сили. Во Elise R моторот е навиен на дури 252 коњски сили.

И покрај тоа што моторот не го остварува својот максимум, сепак успева да го катапултира автомобилот за 4,3 секунди до 100 km/h и да достигне максимални 225 km/h. Перформансите се должат пред се на малата тежина од само 720 килограми.

2-Eleven се нуди со два различни пакети на опременост, Aero и Sport. Пакетот Aero нуди задно крило од карбон-фибер кое може да се поддесува во зависност од потребите и продолжен преден спојлер. Sport пак нуди поддесиви амортизери во две насоки дело на шведската фирма Ohlins.

Толку за разликите она што е заедничко и за двата пакети се два различни типа на самоблокирачки диференцијал, мек резервоар во облик на торба со зафатнина од 70 литри одобрен од FIA за учество на трка и тркачки волан кој може брзо да се извади.

Новиот 2-Eleven е значително поефтин од оној ланскиот кој чини 49.573 евра. Сега цената стартува од 34.695 евра секако без вклучени давачки.