Дел од каталогот во кого се опишани опциите од посакуваниот M Sport пакет подготвен за новата Серија 5 на BMW го објавија пасионираните љубители на баварската марка од Bimmertoday.

Од скенираните страници на каталогот може да се забележи како ќе личи М5 кога ќе се појави на пазарот. Преден браник со препознатливата маска и огромни отвори за воздух, странични завеси, заден браник со интегриран дифузор и хромирани издувни цевки.

Понатаму на отчет се и леснометалните бандажи. Се работи за два типа на бандажи со дијаметар од 18 и 19 инчи и димензии на гуми 245/45 R18, односно 245/40 R19.

Уредувањето на кабината е потполнето со волан со три пречки со здебелен обрач и неизбежното М лого во подножјето, спортки седишта и различни декоративни детали кои треба да направат да се чувствувате како да возите спортски автомобил.

Интересно е што првата верзија на која е претставен пакетот M Sport е комбито од Серија 5, а истиот ќе го користи и седанот. Се очекува пакетот M Sport покрај визуелните додатоци да нуди и спортско подвозје.

Списокот за нарачки на пакетот M Sport ќе биде отворен од есен во целата дилерска мрежа на BMW во Европа.