MAN, германскиот производител на товарни возила после Scania, стана дел од групацијата Volkswagen која со двете товарни марки сака да се зацврсти и во овој сегментот од глобалниот пазар.

Причината зошто VW одлучи да го купи MAN лежи во фактот дека тоа е еден од најголемите производители на камиони во Европа. По постигнување на договор и исплаќање на сумата Volkswagen AG станува сопственик на 55,9% од акциите на MAN.

Одговорните од групацијата веднаш планираат да извршат здружување меѓу MAN и Scania на полето на развој, како и активна соработка при производство и споделување на компоненти.

„Нашата цел е да постигнеме максимална интеграција на Volkswagen, MAN и Scania која на крај ќе биде од интерес како на акционерите во групацијата така и на крајниот корисник чие задоволство при користење е на прво место,” изјави шефот на Volkswagen, Мартин Винтеркорн.

Со здружувањето, MAN и Scania ќе постигнат заедничка продукција од 172.000 тешки товарни возила годишно, со носивост од преку 6 тона. Со олкава продукција треба да завземат околу 6% од пазарот.

Толку за сега има нивниот конкурент Volvo Trucks кој сам остварува годишна продукција од 171.000 тешки товарни возила со носивост од преку 6 тона.