Mazda на салонот во Токио претстави нов ван којшто претежно ќе биде наменет за домашниот пазар во Јапонија и за евентуално некои од помалите пазари во Азија како на пример Тајланд и Тајван.

Името на концептот е Biante Granz и претставува модернизирана и полуксузна верзија на актуелниот Biante кого Mazda го пушти на пазарот во 2008 година, а минатата година од него претстави специјална серија Biante 20S за прослава на 90 годишнината на компанијата.

Biante Granz во кабината нуди осум места за седење заедно со возачот што е на границата за Б категорија на возачка дозвола. Комфорот е на завидно ниво во ванот долг 4.715 mm, широк 1.770 mm и висок 1.835 mm.

Движечката сила е 2.0 литарскиот бензинец чија моќност сеуште се држи во тајност, погонот е на предни тркала, а менувачот е автоматски и има пет степени на пренос.

За разлика од обичниот Biante, Biante Granz доаѓа со нов браник, помасивна  маска и нови леснометални бандажи. Измени во кабината нема освен побогатата опрема и мноштвото хромирани детали.