Одогворните во Mazda, на една прес конференција во Берлин одржана по повод зачувување на животната средина најавија дека новата генерација на Mazda 3 ќе го носи иновативниот систем кого во Mazda го нарекуваат i-Stop.

Се работи за познатиот систем стар/стоп кој го гаси моторот при подолго стоење во место кога менувачот ќе се стави во лер и ќе се отпушти спојката, а повторно го стартува моторот што возачот ќе притисне на педалот од спојката.

Овој систем за првпат ќе се појави во Mazda 3 и според најавите заедно со состемот за директно вбризгување на горивото ќе допринесе за 14% пониска потрошувачка во однос на претходникот.

Mazda пред себе има поставено агенда според која до 2015 ќе ја намали потрошувачката на гориво на целата гама на автомобили за 30%. Заради остварување на зацртаниот план Mazda има намера да ја модификува целата гама на мотори кои се вградуваат во нивните модели.

А тоа значи дека сите мотори кои ќе се вградуваат во автомобилите на Мazda, без оглед на зафатнината во иднина ќе имаа систем за директно вбризгување на горивото и стар/стоп системот i-Stop.