Новата генерација на купе-кабриолетот направен на основата на актуелниот Megane се подготвува да ја пресретне претстоечката сезона кога отворените автомобили ќе бидат главен хит.

Инженерите на Renault тестираат на големо некаде во Скандинавија каде зимата почна одамна, а ловците на автомобили за првпат успеаја да направат јасни фотографии за новата генерација на Megane CC.

Без оглед на масивна камуфлажа може да се забележи дека Megane CC е во завршна фаза на развој и дека го задржува препознатливиот стил на останатите модели на Megane.

Од напред јасно се забележуваат светлата и предната маска кои се идентични како кај хечбекот со пет врати, а слична е и оптиката на задните светла кои заради различниот задник би требало да имаат поинаков облик исто како кај прртходникот.

Набабрениот и издолжен задник е нужен додаток заради сместување на масивниот метален склоплив кров и воедно обезбедување доволно простор во кабината за превоз на четири патници.

Кога ќе пристигне на пролет Megane CC ќе го надополни семејството кое покрај хечбекот со пет врати и купето со три врати сега имаат и комби верзија и спортска верзија која доаѓа од лабораториите на Renault Sport.

Цената според најавите од Renault во Европа би требало да стартува од малку над 20.000 евра.