На годишниот избор за Најдобар дизајн кој го организира Auto Bild, а гласаат читателите на магазинот, можат да учествуваат автомобили кои се појавиле на пазарот претходната година.

Автомобилите кои учествуваат во изборот се поделени во пет категории: „мали автомобили и компакти”, „лимузини и каравани”, „купеа и кабриолети”, „SUV, ванови и теренци” и „студии и концептни автомобили”.

Во првата категорија победата ја однесе Volkswagen Polo, во втората Mercedes E Класа, во трета класа Mercedes E Класа Coupe, во четврта класа Audi A4 Allroad, а кај студиите победи Audi Sportback Concept.

Севкупен победник на изборот со најголем број на гласови од читателската публика е токму Mercedes E Класа.

Во битката за победа во своите категории се замешаа и Volkswagen Golf VI, Opel Insignia Sports Tourer, Audi A5 Cabrio, Skoda Yeti, Volkswagen BlueSport.