Години назад се чинеше дека McLaren и Mercedes одат заедно како путер и мед, но сега партнерот на Mercedes во DTM, тјунерската куќа HWA ќе се ангажира околу новиот супер автомобил со сребрена ѕвезда.

Раскинувањето на договорот со McLaren е последица на незадоволството на Mercedes од перформансите на SLR. Ова се чини чудно бидејќи пред само неколку месеци приликите говореа дека Mercedes е на пат да го купи McLaren. Плус што туку отпочнатото производство на SLR кабрио говори дека малку е веројатно дека двете марки се разделуваат за секогаш кога се во прашање автомобилите.

Новиот суперспортиста од HWA ќе го носи рачно изработениот 6,2 литарски мотор од AMG. И ако перформансите на SLR не задоволуваат тогаш проектот на HWA би требало да биде повеќе од монструозен.

Кога се споменува AMG значи дека новиот супер автомобил ќе може да се вози на улица иако ќе биде целосно развиен како тркач какви што единствено знае да прави HWA.

Колку за потсетување дело на HWA се А32К верзија на класа А со два мотори поклон на Мика Хакинен за двојната титула во Формула 1. Потоа фамозниот CLK GTR Coupé и CLK GTR Roadster и сеуште свежите CLK DTM AMG Coupé и CLK DTM AMG Cabrio кој воедно е и најбрзиот кабриолет на денешницата. 

За да го смести својот нов проект HWA ги зголемува за три пати своите производствени капацитети при што инвестираше 4,5 милиони евра.