Според инженерите на компанијата сегашната А Класа, поточно сендвич конструкцијата на нејзината шасија со двоен под е исклучително погодна за сместување на акумулаторите потребни за задвижување на еден електричен автомобил.

Најважното е тоа што целата работа гледано конструкциски може да се заврши без драстични измени во конструкцијата на автомобилот. Својата А Класа, Mercedes ќе ја опремува со литиум-јонски батерии и за таа цел производителот преговара со американската компанија Tesla за набавка на новата генерација на овој тип на батерии кои имаат поголема моќност и воедно се значително полесни од она што сега се нуди на пазарот.