Гумите исто така влијаат врз економичноста на автомобилот и според истражувањата направени од Michelin дури 20 проценти од енергијата на моторот црпат гумите, односно отпорот при тркалање.

Токму затоа францускиот производител на гуми го концентрира својот напор врз редуцирање на отпорот при тркалање за дури 50 проценти, додека во исто време работи за да го продолжи животниот век на гумите и да го смали растојанието при сопирање.

Во Michelin експертите работат на развој на нов хемиски состав на гумите, нова конструкција и дизајн на шарата кои потенцијално можат да го зголемат за два пати животниот век на гумата.

Кога се работи на развој на нова гума според екпертите во Michelin една работа што не смее да се жртвува е перформансите на гумата како што се тракцијата на суво и мокро и севкупното држење на патот.

Michelin веќе разви гуми со мал отпор при тркалање кои според нив можат да заштедат 0,2 литри гориво на 100 изминати километри и ја намалуваат емисијата на СО₂ за 4 g/km.

Овие гуми сеуште неможат да се најдат кај продавачите на гуми, Michelin очекува дека ќе успее да ги пушти во продажба во текот на 2008.