Без оглед на вниманието посветено да се сокријат модернизираните Cooper S и Cooper S Clubman жешките верзии на Mini се појавија на интернет уловени на тестирање далеку пред премиерата.

Изворот на шпијунските фотографии тврди дека моделите на Mini се наоаѓаат во завршна фаза на тестирање и дека светската премиера е закажана за средина на годината, а на есен би требало да стартува и продажбата.

Јасно е дека се работи за благ фејслифт бидејќи поголемиот дел од автомобилот фатен од објективот, во случајот Mini Cooper S, е откриен, а камуфлиран е само предниот браник кој би требало да има поголеми отвори за воздух.

Новини има и кај предните светла, светлата за магла, задниот браник и задните светла на Mini. Внатрешноста сеуште е добро сокриена, но и таму се очекуваат измени пред се во поглед на материјалите, а помалку во дизајнот.

Најголемите измени во модернизираниот Mini се сокриваат под ламарината. Се очекува подобрување на подвозјето и моторите кои би требало да бидат позелени за да ги задоволат еколошките норми Euro 5.