Покрај новиот имиџ рестилизираниот Colt ќе се гордее и со повисок квалитет, подобри перформанси, пониска потрошувачка и емисија на издувни гасови.

За сето ова да може да се оствари Mitsubishi во освежената верзија менува дури 65% од деловите со кои новиот Colt ќе има малку допирни точки и драстично ќе се разликува од актуелниот.

Постоечката гама мотори ќе се задржи, што значи дека под хаубата ќе продолжат да работат бензинците од 1.1 литри со 75 коњсски сили, 1.3 литарецот со 95 коњски сили и најмоќниот меѓу нив со зафатнина од 1.5 литри и 107 коњски сили.

Паралелно моторите со зафатнина од 1.1 и 1.3 литри ќе се нудат и во верзија со ултра ниска емисија на СО₂ која во Mitsubishi ја нарекуваат CleаrTec или чиста технологија.

Mitsubishi планира со моторите ClearTec да ги замени постоечките дизели за кои има многу мала заинтересираност меѓу купувачите на Colt.

Плус, моторите ClearTec во иднина ќе добијат и Fuel-Flex верзија, а то значи дека покрај бензин како погонско гориво ќе можат да користат и етанол или Е85.

Измените под ламарината ќе бидат означени со сосема нов лик. Colt добива поагресивна предна маска чив дизајн се поистоветува со оној на поголемиот Lancer и со која според зборовите на дизајнерите на Mitsubishi, Colt потсетува на авион ловец.

Но, измените не се однесуваат само на предната маска туку и на предните крила и на хаубата. Комплетно нов е и задниот дел кој прави Colt да личи како да лежи пониско и пошироко.

Измените на каросеријата ја подобриле аеродинамиката и струењето на воздухот околу автомобилот правејќи го новиот Colt значително потивок при повисоки брзини.

За љубителите на малечки бомби на четири тркала официјалниот тјунер на Mitsubishi, Ralliart, подготви специјална едиција наречена Colt Ralliart задвижувана од 1.5 литарскиот бензинец потпомогнат од турбо полнач кој остварува максимални 150 коњски сили.

Спортската верзија наменета за сладокусци ќе се нуди и во верзија со три и во верзија со пет врати. Модификуваната гометрија на подвозјето, подебелите стабилизатори напред и одзади го подобрува лежењето на пат и управливоста на Colt Ralliart и го прави далеку поагилен од претходникот Colt CZT.