Mitsubishi ја објави првата официјална фотографија од новата генерација на Outlander којшто светската премиера ќе ја доживее следниот месец на салонот на автомобили во Женева.

Новиот Outlander премиерно го претставува и модерниот дизајнерски јазик на Mitsubishi кој продолжува и во кабината и ја одликува со висококвалитетни материјали, поголем комфор, подобра ергономија и побогата опрема.

На пазарот во Европа Оutlander ќе носи два мотори 2.0 литарски бензинец MIVEC и дизел 2.2 MIVEC Clean Diesel. Станува збор за модернизирани мотори кои имаат значително пониска потрошувачка и емисија на јаглероден диоксид.

И двата се спарени со нов шест степен менувач и систем Auto Stop&Go. Во понуда ќе биде и новоразвиен шест степен автоматик. Вртежниот момент се пренесува на предни или на сите четири тркала зависно од изведбата.

Понатаму ќе пристигне и plug-in хибридната верзија на Outlander која ќе го носи погонот на концептот Px-MiEV со бензинец и два електромотори на задна оска кои обезбедуваат погон на четири тркала и автономија од 800 километри.

Интересно стартот на продажбата е закажан за почеток на летото и тоа само на пазарот во Русија. Кон крајот на летото, или на почеток на есента ќе го добијат и останатите пазари во Европа, САД и Јапонија.

Цените сеуште се непознаница.