Prototype i-MIEV е направен врз основата на електричниот автомобил, i-MIEV кој веќе на големо се тестира во Европа и во Јапонија, но со одредени подобрувања и најверојатно од него ќе произлезе сериската верзија која треба да се појави на пазарот вгодина.

Новата верзија има поширока трага и поголеми превиси и напред и назад со цел зголемување на безбедноста на пешаците при евентуален судар, но и за зголемување на деформациските зони и зајакнување на патничкиот кафез и подобра заштита на патниците.

Сето ова значи дека Prototype i-MIEV е малку поголем автомобил и според инженерите во него удобно можат да се превезуваат четири возрасни патници.

Внатрешноста е едноставна каде преовладува дизајн на кружни форми. Снежно-белата боја однадвор и ледено-сината внатре го прикажуваат Prototype i-MIEV како да излегол од глечер со што не потсетуваат на неговиот еколошки имиџ.

Prototype i-MIEV го задвижува електричен мотор со моќност од 63 коњски сили и вртежен момент од 180 Nm. Енергијата доаѓа од литиум-јонски акумулаторски батерии од 330 V. Моторот ги задвижува задните тркала.

Батериите ослободуваат доволно енергија за Prototype i-MIEV да може да мине 160 km, а времето потребно да се наполнат до максимален капацитет изнесува 7 часа на стандарден електричен приклучок.

Во развој се и литиум-јонски акумулаторски батерии со брзо полнење кои 80% од максималниот капацитет можат да достигнат по само 35 минути полнење.

Иако Prototype i-MIEV се очекува вгодина тој нема да пристигне во Европа. Комерцијализацијата на серискиот i-MIEV во 2009 ќе се случи во Јапонија. Пласманот во Европа и во САД за сега е неизвесен.

Во 2009 Mitsubishi планира да произведе 2.000 примероци, а бројката ќе се искачи до 10.000 примероци годишно во 2011.