После повеќе години минати во мирување јапонските спортски автомобили полека испливуваат и се враќаат на сцена покажувајќи го врвот на технологијата со која располагаат јапонските марки.

Прв после долгиот молк мразот го скрши Nissan со новата генерација на GT-R, а наследници најавуваат и Honda со новата генерација на NSX и Toyota со новата генерација на Supra. Останува уште Mitsubishi.

Мitsubishi полека се подготвува да испрати на пазарот достоен конкурент, но најверојатно не во наведениот сегмент, туку во класа подолу. Најверојатно нема да оживе прославениот тркач 3000 GT - на фотографијата, туку помалиот Eclipse.

Од Mitsubishi наведуваат дека интересот за јапонските спортски автомобили полека расте и дека кулминацијата ќе се случи откако ќе стартува продажбата на близнаците Toyota FT-86 и Subaru BRZ.

Во ова класа на евтини спортисти Mitsubishi гледа најголем прием меѓу купувачите, додека моќните суперспортисти настапуваат со повеќе технологија, повеќе коњски сили и заедно со тоа и повисока цена.

Сеуште нема прецизна информација кога новата генерација на Eclipse ќе се појави пред јавноста. Mitsubishi сеуште молчи за деталите, но наскоро се очекуваат повеќе информации.