Моторот со кодна ознака К20А кој беше претставен на салонот во Детроит е базиран на познатиот 2.0 литарец што работи во серискиот Tyрe-R. Но, благодарение на измените на коленастото вратило и клипните лостови зафатнината му е зголемена на 2.157 сс.

Според инженерите во Mugen станува збор за истиот мотор каков што е 2.0 i-VTEC, но поради намаленото триење меѓу компонентите и редизајнираното бергасто вратило моторот е способен да произведе максимлани 260 коњски сили.

Моторот е поставен во Civic со четири врати кој дополнително е модификуван за максимални перформанси. Сменети се сопирачките, суспензијата, а вграден е и новиот систем на Mugen за надгледување на притисокот во гумите наречен I-TCMS.

Исто така многу важен сегмент каде што е подобрен автомобилот е менувачот. Серискиот мануелен менувач е заменет со нов шест степен секвенцијален кој менува за неверојатни 80 милисекунди. Секако автомобилот ја задржува класичната спојка која во случајов му зложи само за поаѓање.

Измени се направени и на каросеријата. Предниот дел е комплетно преслечен со карбон-фибер кого го има и во кабината. Дополнително за спортско чувство зад воланот сериските седишта се заменети со тркачки кади кои го гушкаат телото и не му дозволуваат да лизга во свијоци.