Раководството на Fiat даде зелено светло за проектот од кого треба да произлезе верзија на Fiat 500 со четири врати која најверојатно ќе биде означена со наставка L или Lungo што во превод од италијански значи долго.

Целта на одговорните во Fiat е 500 Lungo да се пласира подеднакво во Европа, но и во САД каде најверојатно ќе се продава под логото на Chrysler. Идејата е Fiat 500 Lungo да им се спротивстави на модели како Opel Meriva во Европа и Scion xD во Америка.

Се очекува во новата верзија да работат помоќни мотори со оглед на поголемиот габарит и поголемата тежина како на каросеријата така и на патниците и багажот што ќе се превезуваат во неа.

Fiat ќе го постави Lungo на поголема платформа, најверојатно платформата на Grande Punto за да овозможи повеќе простор во кабината и багажникот. Иако поставен на нова платформа 500 Lungo барем однапред ќе го задржи дизајнот на 500.