Новиот модел ќе го носи името CX-Over или Crossover и ќе биде значително поголем од актуелните модели на Fiat со погон на четири тркала, Panda 4x4 и Sedici и ќе нуди поголема варијабилност.

Според најавите од Fiat новиот кроcовер е биде долг околу 4.5 метри што е вистинска големина за лесно справување со градскиот метеж, понуда на висока доза на комфор за долги патувања и секако добри теренски карактеристики со кои треба да застане на врвот од класата.

Fiat со претставување на CX-Over како што пишувавме тежи да ги загрози актуелните модели на Nissan и на Ford, поточно Qashqai и Kuga. Што значи голема е веројатноста тој да има возни карактеристики на еден SUV и простор и практичност во кабината на еден моноволумен.

Одговорните во Торино се надеваат дека CX-Over преку ноќ ќе стане популарен семеен автомобил за работа и за слободно време.

Премиерата се очекува некаде следната година, најверојатно на салонот во Женева, по што би стартувала и продажбата. Во Fiat не бегаат ниту од цената. Таа би требала да стартува од околу 22.000 евра.