Потврдено е дека Golf VI светската премиера ќе ја доживее на салонот во Париз и дека продажбата стартува веднаш по завршувањето на салонот. Кога веќе станува збор за продажба најчесто поставувано прашање е: колку ќе чини?

Одговорните во VW истакнуваат дека основниот модел во Германија ќе чини 16.500 евра што е за околу 200 евра повеќе од актуелниот модел на германскиот пазар.

Втора важна информација што циркулира за Golf VI е вградување на најекономичниот мотор во класата. Се работи за познатиот 2.0 литарски TDI кој во случајов испорачува 110 коњски сили и остварува просечна потрошувачка од 4,5 литри дизел на 100 изминати километри и има емисија на СО₂ од 119 g/km.

Понатаму во Golf VI ќе се вградуваат и автоматската контрола за задржување на растојанието од автомобилот пред вас и систем за асистенција при паркирање.

Сеуште нема точен датум кога Golf VI ќе се појави на нашиот пазар и колкава ќе биде почетната цена.