Моторот во најдобрата традиција на BMW има шест цилиндри распоредени во линија, зафатнина од 3.0 литри, турбо полнач, директно вбризгување на гориво и нова генерација на системот Valvеtronic.

Инженерите кои работата на развој на мотори во Минхен од новиот мотор извадиле 306 КС и максимален вртежен момент од 400 Nm кои стојат на располагање од 1.200 – 3.000 врт/мин.

Новиот шест цилиндарец го користи истиот блок како и минатогодишниот носител на титулата Најдобар мотор на годината кој ја носи кодната ознака N54.

Од својот претходник N55 се разликува по помалата тежина од 4 kg, еден twin-scroll турбо полнач, место два и системот Valvetronic. Во новиот GT на BMW новиот мотор ќе работи во симбиоза со нов автоматски менувач со осум степени.

Од BMW наведуваат дека нивните тест возачи со седанот – хечбек Серија 5 GT успеале од место до 100 km/h да забрзаат за 6,3 секунди и со леснотија ја достигнале максималната брзина од електронски ограничени 250 km/h.

Воедно постигната е просечна потрошувачка од околу 9 литри на 100 изминати километри, а емисијата на СО₂ изнесува 336 g/km.

Вреди да се спомене дека на старт покрај новиот агрегат N55 во Серија 5 GT ќе се вградуваат и 3.0 литарскиот турбо дизел со моќност од 245 КС и бензинскиот V8 битурбо од 4.4 литри со моќност од 407 КС.