Новиот Forester е поголем од претходникот има поголем клиренс и повеќе наликува на некаков компактен SUV отколку на караван кросовер. Целта е вметнување во сегемeнтот каде што владеат меки теренци од типот на Toyota RAV4.

Forester ја дели платформата со новата Impreza, но сличноста не застанува тука. Дизајнерските елементи се препознаваат насекаде почнувајќи од предните светла кои ги следат истите линии, но се малку повисоки.

Придобивка од платформата е новиот постојан погон на четири тркала со ограничен самоблокирачки дифренецијал. Тука е и SI-Drrive кој овозможува избор од три различни модуси кај трансмисијата.

Моќноста повторно доаѓа од 2.0 литарски четирицилиндричен боксер, а на повидок е и дизел кој би требало да се појави на есен.