Jeep официјално го најави стартот на производството на својот нов голем теренец Grand Cherokee како модел за 2011. Со Grand Cherokee кој е икона и симбол на Америка Јееp го најавува големото враќање.

Jeep e инвенторот на луксузната класа теренци пред скоро две децении го претстави првиот премиум модел во класата Grand Cherokee кој 4 милиони продадени примероци подоцна донесува нова свежина и претставува основа за развој на посветла иднина за марката.

Новиот Grand Cherokee доаѓа со подобри динамички карактерситики на пат и поголема теренска проодност во чија основа стојат трите различни системи за погон на четири тркала, воздушната суспензија Quadra Air-Lift и системот Select – Terrain кој во зависнот од условите на возење ги поддесува параметрите на моторот, менувачот и подвозјето.

Комбинирањето на овие системи му овозможува на Grand Cherokee да го совлада и најнепристапниот терен, да влече приколка со максимална тежина од 3,5 тони и на пат да се однесува како луксузна лимузина.

Комфорот исто така е на ниво на големите премиум седани. Бучавата и вибрациите се сведени на минимум заради големата торзиска цврстина на каросеријата и независната суспензија напред и назад.

Но, сите овие карактеристики привлекуваат на втора рака, Од прва привлекува дизајнот. Без оглед што се работи за теренец Grand Cherokee има тело на атлета кое во исто време е мускулесто и вретенасто без вообичаената пренапумпаност вообичаена за теренците.

Креаторите на внатрешноста уверуваат дека патниците ќе уживаат во многу простор, квалитетни материјали меки на допир со кои е обложена целата кабина и богатсво од опрема што е карактеристично за Grand Cherokee. Тие истакнуваат и дека успеале да ослободат 17% повеќе простор во багажникот.

Под хаубата на новиот Grand Cherokee на почеток ќе работи новоразвиениот Pentastar V6 бензинец кој има зафатнина од 3.6 литри и ослободува 290 КС при 6.350 врт/мин и вртежен момент од 353 Nm при 4.300 врт/мин.

Конструктроскиот тим кој го потпишува под моторот истакнува дека вредностите на Pentastar во однос на претходникот 3.7 литарскиот V6 се 38% поголема моќност, 11% повисок вртежен момент и 11% пониска потрошувачка.

Како преднсот се наведува испораката на вртежниот момент. Имено 3.6 литарецот е способен да испорачува 90% од вредноста на максималниот вртежен момент во дијапазон од 1.800 до 6.350 врт/мин. Максималниот број на вртежи што може да ги достигне моторот пред да исклучи електронската заштита се 7.200 врт/мин.

Jeep Grand Cherokee во просек троши 10,3 L/100 km и е способен со еден резервоар да мине повеќе од 800 km. Воедно моторот е flex-fuel, или флексибилен во поглед на горивото и може да користи биотанол Е85.

Високото ниво на опременост е веќе вообичаена карактеристика на гамата Grand Cherokee. Па така новајлијата доаѓа со преку 45 безбедносни системи кои се надополнети со комфорна опрема на која можат да и позавидат европксите производители.

И на крај цените за американскиот пазар.

Jeep Grand Cherokee Laredo, значи основно ниво на опрема, во верзија само со погон на задни тркала, или 4х2 стартува со цена од 30.995 долари и е 495 долари поевтин од актуелниот модел.

Верзијата Grand Cherokee Laredo 4x4 стартува од 32.995 долари која е за 465 долари пониска од актуелниот модел. Преведено тоа се близу 27.000 европски банкноти.

Но, без грижа. Ние нема да возиме олку голем, опремен и моќен теренец по иста цена. Во Европа цените ќе бидат повисоки.