Претходната генерација на Seat Ibiza Ecomotive беше еден од најекономичните и најзелените модели во својата класа за што говори и последната награда доделена од стрaна на Verkhers Club во Германија.

Секако наследникот оди по неговите стапки и според инженерите во Seat ќе има уште подобри карактеристики. Новата генерација на Ibiza Ecomotive е создадена за да ја продолжи традиција на Seat како зелен производител на автомобили.

Интересно е што Ibiza Ecomotive ќе се нуди и во двете каросериски варијанти. Значи купувачите ќе можат да ја добијат со пет врати или во верзијата SportCoupe со три врати.

Пода хаубата работи 1.4 литарскиот три цилиндричен TDI кој остварува моќност од 80 коњски сили и носи филтер за честички чад DPF. Емисијата на СО₂ е намалена на 99 g/km, но исто така намалена е и протошувачката која според производителот во просек нема да надминува 3,2 литри дизел на 100 km.

Нивото на емисија на СО₂ е еднакво со она на претходникот, но мора да се земе предвид дека новата Ibiza е технолошки далеку понапреден и побезбеден автомобил што значи дека е поголем и потежок.

Зголемената ефикасност и економичност на Ibiza Ecomotive се должи на низа промени кои опфаќаат нов софтвер кој управува со контролната единица на моторот, менувач со намалено триење и ново пресметани преносни односи, еколошки гуми со намален коефициент на триење со димензија 175/70 R14 и челични бандажи со ново дизајнирани радкапни кои го редуцираат отпорот на воздух.

Аеродинамиката дополнително е подобрена со затворената предна маска и спојлерот на кровот одзади.

Ibiza Ecomotive заедно со својот лут брат близнак Ibiza Cupra ќе се произведува во погоните на Seat во Марторел во близина на Барселона, додека светската премиера е закажана за салонот во Париз во октомври.