Новиот седан го носи името Manza. Тој е и нов член на семејството Indigo на Tata кое во својата гама веќе поседува компактен седан CS, негова продолжена верзија XL и комби Marina.

За да се добие слика за големината на Manza ги објавуваме димензиите. Седанот во должина мери 4.413 mm, широк е 1.703 mm, висок е 1.550 mm и има меѓуоскино растојание од простојни 2.520 mm.

Indigo Manza е поставена на нова платформа развиена самостојно во Tata и носи два мотори кои доаѓаат од Fiat. Познатиот бензинец од 1.4 литри и турбо дизелот Мultijet од 1.3 литри.

Fiat го испорачува и мануелениот менувач со пет степени со кого се спарени и двата агрегати. Моторите се одликуваат со иста моќност. Односно и двата на предните тркала испорачуваат по 90 КС.

Покрај солидната механичка потпора Indigo Manza може да се пофали и со безбедносен пакет кој се состои од предзатегнувачи на ремените на предните седишта и две воздушни перници.

Опремата вклучува и систем ABS, но и седишта кои се местат по висина, патен компјутер и радио со CD + MP3 со кое се ракува преку команди сместени на волан.

Од Tata пристигнува информацијата дека Indigo Manza ќе стартува со продажба на индискиот пазар кон крајот на годината, а подоцна ќе се појави и на други пазари иако не се наведува на кои.