Прототипите веќе подолго време кружат по тест патеките ширум светот, но не откриват ништо, освен, дека станува збор за седан со димензии кои го сместуваат во средната класа.

Купувачите би требало да можат да дојдат до примерок од новата Insignia веднаш по светската премиера.

Новиот модел е поширок и повисок од сегашната лимузина и е поставен на новата платформа на General Motors наречена Epsilon II. Тоа значи дека автомобилот ќе го задржи погонот на предни тркала и ќе биде достапен во три верзии како лимузина, комбилимузина и комби.

Поголемите димензии ќе му овозможат полесно да се справи со конкуренцијата посебно на пазарите како што се САД.