Од Porsche пристигнува информација во која стои дека новата генерација на 911 на Нирбургринг остварила време од 7 минути и 40 секунди и го победила својот претходник за добри 13 секунди.

Тимот на Porsche кој е задолжен за тестирање на чело со шефот на производство, Аугуст Ахтлајнер успеал со новата генерација на 911 Carrera S да оствари време кое до сега беше загарантирано за тркачот 911 GT3 од претходната генерација.

Според Ахтлајнер не се направени никакви посебни доработки на новиот модел за да се достигне забележаниот резултат. Имено станува збор за сериска изведба опремена со опционална спортска суспензија.

Тука се и менувачот на Porsche со две спојки PDK и седум степени на пренос и новиот систем на Porsche за динамичка контрола над шасијата, или, Porsche Dynamic Chasis Control.

Porsche 911 Carrera S, тип 991, одзади пакува 3.8 литарски со 400 КС и е помоќен од својот претходник за 15 КС, но очигледно, пониската тежина, понапредната аеродинамика и техника значително ги подобриле перформансите.