Намената на Pikanto е јасна маневрирање во градска средина и метеж и отсуство на проблеми со градскиот паркинг простор. Внатрешноста е функционална и ергономична, додека пак надворешниот изглед е изработен според вкусовите на потрошувачите од европските пазари.

Стилизираните и модерни трепкачи со LED индикатор како и опционалниот систем за предупредување поставен одзади им помагаат на другите возачи да ги забележат вашите намери.

Во поглед на безбедноста, Kia PIkanto е дополнето со помасивни предни сопирачки дискови, силна структура на кабината изработена од зајакнат челик поставен на стратешки точки на каросеријата, странични воздушни перничиња за дополнителна заштита на главата и торзото и појаси со електричен ограничувач.

Во Picanto работата 1.0 и 1.1 литарски мотори. Помоќната варијанта има 65 кс при 5500 врт/мин. Забрзувањето до 100 km/h се постигнува за 15.1 секунди, додека потрошувачката на гориво е 6,5 литри во град и 4,6 литри на отворено.

На малиот градски автомобил најдобро му прилега весела, жива боја и токму поради тоа новото Kia Pikanto е достапнo во 9 бои, меѓу кои жолта, портокалова или сина како енергични и интересни.

Боите и содржината не се единcтвените нешта кои предизвикуваат интерес кај Pikanto. Интересна е и цената со која Pikanto настапува на нашиот пазар. Стартот на задоволството наречено Pikanto е од 7.390 европски банкноти.