|
28.09.2011 |
|
Ferrari конечно ги објави цените за отворената верзија на својот суперспортист 458 Italia, означена како Spider. Меѓутоа цените за отворениот болид се објавени само за пазарите во Европа и во САД.
Во Европа спортскиот кабриолет со цврст склоплив кров ќе стартува со цена од 226.800 евра. Европејците исто така нема да треба многу да чекаат бидејќи стартот на продажбите е најавен веќе за следниот месец.
Меѓутоа во САД првите примероци од Ferrari 458 Italia Spider ќе пристигнат дури во јануари 2012 година. Но, купувачите од онаа страна на Атлантикот не треба да се бунтуваат бидејќи 458 Italia Spider кај нив ќе биде значително поевтин.
Ценовниот старт за американците ќе биде од 257.000 долари, или од околу 189.500 евра. Тоа значи дека Ferrari 458 Italia Spider во САД е поевтин за добри 37.000 евра.
Ќе се согласите не е мал износ дури и за оние што можат да си го дозволат.
|
