Дури и мотоциклите едвај да можат да ја надминаат оваа граница, па и Bugatti Veyron останува засрамен со ниски 506 коњски сили по тон. Тука Caparo T1 добива епски пропорции и најубавото, се наоѓа во завршна фаза на развој.

Развој е клучниот збор во последната реченица, бидејќи T1 е очигледен пример за што се е способен Caparo. Техничките податоци говорат дека T1 стига до 100 за 2,5 секунди, ја урива границата од 160 km/h за помалку од 5 секунди и остварува 575 КС при 10.500 врт/мин и вртежен момент од 420 Nm при 9.000 вртежи.

Инженерите на T1 тврдат дека сеуште не го искористиле комплетниот потенцијал на моторот и дека под полно оптоварување нивниот V8 може да се сврти до 17.000 врт/мин без да се накалшла.

Подеднакво импресивен е и податокот за сопирачките. На Т1 од 160 km/h до нула му е потребно помалку време отколку за забрзување. Точно 3,5 секунди.

Најубавото доаѓа на крај. Во Т1 не мора да уживате сами. Може да ја поведете и својата понежна половина. Која во случајов седи лево од вас и малку назад и има убав поглед на она што се случува на пат и вашата борба со воланот, менувачот и педалите.

Главното прашање е: кој ќе се забавува повеќе?