Новиот компакт што доаѓа од Риселхајм за сега на љубителите на автомобили им се нуди во десетина фотографии и неколку основни информации, додека комплетните детали сеуште чекаат да бидат објавени.

Експертите за продажба и за маркетинг во Оpel ја најавуваат Astra како многу значаен модел за компанијата која според статистиките загуби голем дел од пазарниот колач и губи во продажбата од рестилизираниот Ford Focus кој се продава одлично, а очекува и наследник.

Очите на светската јавност во живо ќе можат да ја видат Astra на есен, поточно на 17 септември на салонот за автомобили во Франкфурт кога е се случи светската премиера.

Новиот трендсетер од Оpel ќе се појави во продажните салони кон крајот на годината. А вината за привлечниот дизајн лежи кај британецот Марк Адмас кој е одговорен и за неверојатниот успех на Insignia.

Исто како Insignia и новата Astra има минато преку 600 часа во воздушен тунел заради дотерување на аеродинамиката од која на крај профитираат потрошувачката, перформансите и севкупниот комфор при возење.

Кога е во прашање комфорот и безбедноста Astra носи многу новитети во компактната класа како што тоа го стори и поголемата Insignia. Станува збор за користење на најнова технологија како што е мехатронички конципирана шасија која во потполност ги интегрира механичките функции и електронската контрола, најнапреден систем на предни светла, камера за препознавање на сообрќајни знаци позната како Opel Eye и седишта со најдобри ергономски карактеристики.

Системот развиен за Insignia, Opel FexRide кој овозможува електронски надзор над условите на возење и соодветно поддесување на карактеристиките на суспензијата му овозможува на возачот три модуси стандардно или Normal, Sport и Tour.

Предните светла се од новата генерација на биксенон светла AFL + кои овозможуваат прилагодување на интензитетот на снопот во зависност од условите на пат и брзината на движење со 9 различни функции на осветлување.

Под каросеријата која во должина мери 4,42 m се сокрива новата модуларна Delta платфрома на General Motors врз која е поставен и Chevrolet Cruze и која има за 71 mm поголемо меѓуоскино растојание од претходникот.

Понатаму новата Astra има поширок траг и напред и назад, нова конструкција на задната оска која не само што ја подобрува стабилноста, туку ја подигнува границата на возните својства на повисоко рамниште и нуди подобар комфор заедно со Opel FlexRide.

Најважната и најголемата новина во моторната понуда е воведувањето на најавениот турбо бензинец со зафатнина од 1.4 литри кој остварува 140 КС. Доаѓа како замена за атмосферскиот 1.8 литарец, развива за 14% поголем вртежен момент и е далеку поштедлив и почист и бара помалку одржување.

Покрај 1.4 турбо Astra ќе ја задвижуваат уште три бензинци со зафатнина од 1.4 и 1.6 литри и распон на моќност од 100 КС до 180 КС. Дизелската понуда исто така ја сочинуваат четири CDTi трубо мотори.

Тие имаат зафатнина од 1.3 до 2.0 литри и распон на снага од 95 КС до 160 КС и опремени се со филтер за честички чад. Сите мотори ги исполнуваат Euro 5 нормите, а наскоро се очекува и EcoFlex верзија на Astra која ќе има исклучително ниска потрошувачка на гориво и ниска емисија на СО₂.

Како дополнување на моторната понуда од Opel најавуваат и хибридна технологија во Astra иста каква што се вградува и во Ampera. Astra Hybrid би требало да се појави на пазарот кон крајот на 2010.

Подеднакво како и актуелниот модел и новата Astra на купувачите ќе им биде на располагање во пет каросериски верзии. Хечбек со пет, со три врати GTC, комби, седан и купе-кабриолет.

Цената како и останатите детали е бидат соопштени подоцна.