Со повеќе од 500.000 моделски верзии продадени само во Европа минатата година, Astra е убедливо најпродаваниот автомобил во гамата на Opel и успешно гази по стопите на Opel Kadett следејќи ја традицијата на марката која подразбира производство на квалитетни автомобили од компактната класа.

Приказната за успехот на Astra започна во 1991. Всушност на 12 август 1991 стартуваше ерата на Astra кога првиот модел обоен во магма црвена воја се симна од производната лента на погоните во Бохум.

Opel тогаш го смени името на постоечкиот Kadett, превземајќи го името Astra од сестринскиот модел што се продаваше во Велика Британија. Името Astra за првпат го искористи сестринската фирма на Opel во Британија, Vauxhall, која во 1980 го преименува Kadett. Tоа беше четврта генерација на компактни автомобили на Opel.

Со десет милиони произведени возила, Astra одамна стои на највисокото скалило како најпродаван модел во компактната класа во околу 80 држави ширум светот, а како што истакнуваат во Opel со гордост може да се пофали и со многубројни награди.

Како што доликува јубилејниот модел Astra Silver Lightning 1.7 CDTI во караванска изведба носи исклучително ниво на опременост и се гордее со посебни карактеристики кои го обележуваат ова извонредно достигнување на Opel.