Протекоа првите официјални фотографии од комби верзијата на Opel Insignia која е подготвена да вози на терен благодарение на масивната заштита на долниот дел на каросеријата и на моторот.

Без оглед на масивната пластична заштита на долниот дел од каросеријата украсена со елементи од четкан алуминиум на праговите и на предниот и задниот браник Insignia Crossfour нема да има повисок клиренс.

Висината од подлогата останува иста, но затоа во стандардната опрема доаѓа активното подвозје FlexRide со адаптибилни амортизери кои при возење надвор од пат ќе стегнат подвозјето.

Под хаубата на Insignia Crossfour ќе работи само 2.0 литарскиот турбо дизел со моќност од 165 и 195 КС. Погонот ќе биде на четири тркала, а менувачите и мануелениот и автоматскиот ќе имаат шест степени на пренос.

Се очекува наскоро Opel и официјално да ја претстави Insignia Crossfour чија цена во Германија ќе стартува од 35.155 евра, додека за најопремената верзија ќе треба да се издвојат 37.971 евра.