Се чини дека годинава германските производители кои ќе настапуваат на 24 часа Нирбургринг како по договор ги бојат своите автомобили во сино, па дури може да се каже дека санува збор за иста нијанса.

Но, тоа и не е толку важно. Важно е кој ќе победи на исцрпувачката трка. За настап во Нирбургринг Opel го доработува перформансниот модел на Astra кој сериските 237 коњски сили ги става настрана и најавува здрави 300 коњи кои ги испорачува 2.0 литарскиот турбо бензинец.

На стартот ќе се појават два идентични автомобили доработени и подготвени за на трка од долгогодишниот партнер Opel во мотоспортот на Kissling Motorsport.

Зад воланот ќе се најдат неколку новајлии во мотоспортот предводени од две големи тркачки имиња, победници на 24 часа Леман и амбасадори на Opel, Мануел и Јоаким Ројтер.

Astra OPC на Нирбургринг ќе се фати во костец со VW Scirocco, а покрај него веќе ги најавивме и Lexus LF-A и Audi R8.