Пониската потрошувачка е посигната со новиот концепт на менувачот. Осумстепениот автоматик пренесува и поголема силина во споредба со претходникот, но не зафаќа повеќе простор и не е составен од повеќе компоненти. Во споредба со шетстепениот автоматски менувач кој претежно се користи денес, заштедата во потрошувачката изнесува 14 проценти.

Основа на новата генерација автоматски менувачи е комплетно новиот концепт со четири планетарни парови запченици и со пет елементи за промена на степен. Бидејќи во секој степен се отворени само два елемента за промена на степен, внатрешните загуби во менувачот се значително намалени. Покрај тоа што е зголемена ефикасноста, овој концепт има и подолг краен преносен однос. Поволно врз потрошувачката влијаат и модерните торзиски придушувачки системи во претворачот на вртежниот момент, кои уште во 6-степениот менувач претставен лани се грижеа за брзо премостување на спојката на претворачот.

Инженерите размислуваа и на можноста менувачот да се користи во хибридните погонски системи во иднина. За нив ZF нуди можност да се реализира микрохибрид со стартер-генератор или пак комплетен хибрид.