Dacia се подготвува наскоро да претстави уште една освежена верзија на Logan кај која најголемата новина е воведувањето на автоматски менувач, а првично оваа верзија ќе се понуди на пазарот во Русија.

Завршните тестирања на прототиповите на Logan со автоматски менувач се одвиваат во Русија, а како база на проектот служи руската фабрика на Renault, Avtoframos во која се склопува Logan наменет за рускиот пазар.

Сеуште нема прецизна информација кога Logan со автоматски менувач ќе се појави во прoдажните салони, но од фабриката уверуваат дека тоа ќе се случи сигурно до крајот на годината.

Logan во Русија се продава под беџот на Renault, а според информациите автоматскиот менувач ќе ја зголеми цената на автомобилот за околу 35.000 рубљи или околу 900 евра.

Од Avtoframos наведуваат и пример: Сега Rеnаult Logan со Authentique ниво на опременост со бензински мотор од 1.4 литри и 75 КС и мануелен менувач во Русија чини 309.000 рубљи, или околу 7.980 евра.

Со автоматски менувач истиот модел ќе чини 344.000 рубљи, или околу 8.880 евра. Автоматскиот менувач ќе се нуди и за помоќниот 1.6 литарски бензинец, а се очекува да се појави на другите европски пазари.