Официјалните фотографии производителот одлучи да им ги прикаже на светската јавност на она што е безмалку автомобил подготвен за во серија. Секако треба да се очекуваат мали измени во надворешниот облик пред Prototype-S да стигне до купувачите.

А тоа ќе се случи подоцна годинава и според очекувањата ќе сочинува околу 70 проценти од вкупната продажба на Lancer во Европа.

Mitsubishi Lancer Prototype-S е т.н. лифтбек верзија со задна клупа која може да се соборува со што се зголемува варијабилноста, а воедно е задржан спортскиот имиџ.

Како што беше најавено претходно под хаубата лежи 2.0 литарскиот турбо од Lancer Evo кој остварува 240 КС, а моќноста до сите четири тркала се пренесува преку менувачот на Mitsubishi, SST и активен средишен диференцијал.