Статистиката е здодевна но корисна работа. Истата вели дека минатиот месец на пазарот во САД купето со четири врати Porsche Panamera стана најпродаваниот модел на производителот од Цуфенхаузен.

Porsche Panamera во месец април достигна највисока бројка на продадени примероци од од стартот на официјалната продажба во октомври 2009. Имено за малку повеќе од 6 месеци Porsche продаде 3.410 примероци од Рanamera во САД.

Вкупната продажба на Porsche во месец април изнесувала 1.747 примероци од кои дури 678 и припаднале на Panamera повеќе од една третина.

Понатаму во САД продадени се 218 примероци на Boxter - раст од 28% во однос на април 2009, 135 примероци од Cayman или +3% во однос на 2009, 389 примероци од 911 или пад од 42% во однос на април 2009 и 326 примероци од прeтходната генерација на Cayenne што е пад од 63%.

Евидентно е дека најголем пад во продажбата бележи Сayenne, но лошата продажба на еден стар модел е нормална работа во очекување на новата генерација која треба да се појави на пазарот во САД во јули.

Очигледно е дека ниту последните проблеми со предните седишта на Рanamera не успеаја да влијаат врз успехот што спортскиот седан на Porsche го ниже на пазарот во САД.