Поголеми планови за експорт на автомобили на стариот и новиот континент нема. Но, доказ за нивната инвазија е настапот на салонот во Детроит на дури пет производители.

Ова е најголемата бројка на кинески автокомпании што се појавиле на една олку важна изложба.

Changfeng Motor Group и Geely International Corporation ќе насташат по втор пат на Северно американското шоу кое се одржува во јануари, додека BYD Auto Co., China America Cooperative Automotive и Li Shi Guang Ming Auto ќе се најдат во Детроит за прв пат.

Од новата тројка BYD Auto е единствен што се подготвува за масовно освојување на овие пазари. Знаменосец би требало да биде автомобил од високата класа, прикажан на фотографијата, чија сличност со Kласа S на Mercedes e евидентна.

Изненадување е што во Детроит нема да се појави Chery и покрај соработката со американскиот Chrysler.

За жал на салонот нема да се појават Shanguan кои успеаја да ги клонираат Х5 и Smart за да ги претстават во Франкфурт под имињата CEO SUV и Noble.