Во Штудгарт беше преставен првиот автомобил на Porsche под чива хауба работи дизел. Станува збор за Cayenne кого го задвижува 3.0 литарски V6 TDI, истиот мотор што работи и во Audi Q7.

Одлуката на Porsche во својата програма да воведе дизел не беше едноставна. По многу превирања, но и по најавата за воведување построги норми за емисија на издувни гасови од страна на Европската комисија, одлуката падна.

Porsche Cayenne доби штедлив и моќен агрегат со кого станува далеку поконкурентен во сегементот каде владеат премиум спортски теренци Audi Q7 , BMW X5, Mercedes ML и GL.

Одговорните во компанијата истакнуваат дека меѓу другото се одлучиле на еден ваков потег бидејќи сопственоста на групацијата Volkswagen им дозволува пристап до широка палета на квалитетни дизели.

Ова им овозможува релативно брз развој на спортски модели задвижувани од дизел. Најавуваат дизел и за Panamera .

Конкретно моторот што работи во Cayenne испорачува 240 коњски сили и мрсен вртежен момент од максимални 550 Nm кои обезбедуваат моментален одзив на педалот за гас и одлични меѓу забрзувања.

Cayenne во просек троши 9,3 L/100 km и има емисија на СО₂ од 244 g/km. Porsche сеуште не ги обелоденува перформансите, но се очекува спринтот до 100 km/h да трае значително покусо од 8,5 секунди што му се потребни на значително потешкиот Q7.

Cayenne дизел сериски доаѓа опремен со автоматскиот менувач Tiptronic S, мануелен менувач не се вградува поради високиот вртежен момент.

Продажбата стартува во февруари 2009 со стартна цена од околу 48.000 евра.